Instagram izohlariga avtomatik javob: 4 soha uchun tayyor ssenariylar

Izohlarga avtomatik javob haqida umumiy gaplar ko'p, lekin amalda hamma bitta savolga tiqilib qoladi: aynan nima yozish kerak? Quyida to'rt xil biznes uchun Targenix'da yig'iladigan tayyor ssenariylar — trigger, xabar matni va lid qayerga borishi bilan. Ularni o'zingizga moslab o'zgartiring.

1. Kiyim do'koni: "o'lcham bormi?"

Trigger: reklama ostida "narx", "razmer", "o'lcham", "bormi" so'zlari bilan izoh.

Ochiq javob: "Salom! O'lchamlar va narxni direktga yubordik 🙌"

Direkt xabar: mahsulot karuseli (har bir rang — alohida karta) va savol: "Qaysi o'lcham kerak?" — S, M, L, XL tugmalari bilan. Tanlangandan keyin: "Yetkazib berish uchun telefon raqamingizni yozing".

Natija: raqam va tanlangan o'lcham bilan lid sotuv bo'limining Telegram guruhiga tushadi.

2. Klinika: konsultatsiyaga yozilish

Trigger: story'ga javob yoki "yozilish", "qabul", "narx" so'zli izoh.

Direkt xabar: "Qaysi mutaxassis kerak?" — tugmalar: stomatolog, kosmetolog, boshqa. Keyin: "Qulay kun?" — bugun, ertaga, shu hafta.

Muhim: tibbiy savollarga bot javob bermasin — "Shifokor bilan bog'lanish" tugmasi suhbatni operatorga o'tkazadi.

3. O'quv markazi: bepul sinov darsi

Trigger: "+" yoki "qiziq" deb yozilgan izoh — ko'pchilik o'quv markazlari reklamada "sinov darsi uchun + qo'ying" deb yozadi.

Direkt xabar: dars jadvali rasmi, "Qaysi yo'nalish?" tugmalari, keyin telefon so'rovi.

Qo'shimcha: teg qo'yish qadami yo'nalish bo'yicha (IELTS, dasturlash, matematika) — keyin CRM'da saralash oson.

4. Restoran yoki yetkazib berish: menyu

Trigger: "menyu", "yetkazish", "manzil" so'zlari yoki Instagram profildagi ig.me havolasi orqali kirish.

Direkt xabar: menyu karuseli va "Buyurtma berish" tugmasi. Ish vaqtidan tashqari yozganlarga shart qadami orqali: "Hozir yopiqmiz, ertaga 10:00 dan qabul qilamiz" — lekin raqamni baribir so'rab qolamiz.

Har bir ssenariyga qo'shiladigan umumiy qadamlar

• Operatorga o'tkazish — har doim "Odam bilan gaplashish" tugmasi bo'lsin.
• AI javob — ro'yxatda yo'q savollarga qisqa javob beradi, mutaxassis kerak bo'lsa operatorni chaqiradi.
• Izohlarni moderatsiya — telefon raqami ochiq yozilgan yoki haqoratli izohlar avtomatik yashiriladi.

Ishga tushirishdan oldin

Quruvchidagi sinov rejimida ssenariyni o'zingiz o'tib chiqing — xabar qaysi yo'ldan borishi yoritiladi, hech kimga hech narsa yuborilmaydi. Meta qoidasiga ko'ra avtomatik xabarlar faqat sizga birinchi yozgan odamga, 24 soat ichida yuboriladi.

Targenix'da 9 xil trigger va 17 xil qadam bor, shu jumladan yuqoridagi barcha bloklar. Platforma orqali 100 mingga yaqin izoh va xabar qayta ishlangan. Ssenariy yig'ish kodsiz va bepul — Facebook sahifangiz va Instagram hisobingizni ulang.